Thursday, May 26, 2011

First meeting


عندما تضيق بي الدنيا أتذكر اليوم الأول للقائنا فأقع بحبك من جديد
هذا الشعور يكفيني لكي أستمر بالتنفس
تتسارع ضربات قلبي ويغمرني شعور لطيف يغسل روحي من شوائب الحياة
شعور لطيف حارق
لهيب جدران سجني 
كبريائي وامتناعي
يحملاني
لما وراء شموس الدنيا
بينما يظل قلبي دميتك 

Wednesday, May 18, 2011

Love you always

روحي تهدأ بقربك
أنت البنج الكلي لكلي
دمي يفور
فراشاتي تثور
عصافير قلبي تغني وتقول
أحبك، دوماً

Monday, May 02, 2011

The beggar


طرارة كشخة

اليوم الساعة ١٠ مساء كنت توني سافطة بمواقف الجمعية، ياتلي وحدة كويتية اربعينية لابسة ملفع وعباة، مرتبه ومتعطرة واشرتلي عشان افتح جامة السيارة، كل الي يا ببالي انها وحدة مضيعه الطريج، فتحت الجامة، وتسندت على دريشتي وتخصرت وحدث هذا الحوار:

هي: ممكن اطلبج طلب؟
انا: شنو؟

(انا هني عبالي تبي توصيله)

 هي: ممكن اطلبج طلب؟؟؟
انا: شنو؟! 

(انا هني فهمت انها سالفة فلوس)

هي: اي ممكن اطلبج طلب؟؟؟
انا: تفضلي
هي: ممكن فلوس؟

انا: كم يعني؟
هي: آآآآ دينارين وستميه

انا: حق شنو؟
هي: حق ......... ولدي كله يخلص فلوسي

انا: والله شقولج، ما عندي
هي: يالله شنسوي، (دعت لي.....) رزق الانسان على ربه

وراحت