توني احس بقيمة القرقيعان
خلال السنوات الماضية كنت استسخف الفناتق الي توصلنا من الاهل والاصدقاء حيث يتنافس الاغلبية بالاهتمام بجمال شكل القرقيعان اكثر من جودة المحتويات
وبما ان ما عندي اخوة صغار، والاطفال الوحيدين الي اشوفهم بالقرقيعان هم عيال الجيران فكلش ما يهموني ولا تهزني فرحتهم واتثاقل اعطائهم الحلويات وغالبا ما استعين بالخدامه او القي بالمسئولية على احد افراد العائلة وغالبا الومهم عندما يشترون القرقيعان الذي غالبا ما يكون قرقيعان الصيداوي الي ما ينوكل
اليوم كان غير
حيث شهدت قرقيعان من نوع آخر، متعه حقيقية وبراءة بعين اولاد اختي، اول مرة يقرقعون عندنا وفروا الفريج وهم الآن شبه مدفونين بين الحلاو وقراطيسه الله يستر عليهم من كمية السكر
تحسفت ليش ما شريت لهم قرقيعان، شكلي باكر بروح مركز سلطان مرة ثانية، ودي اسمع سلم خالتي يالله خلها لامها يالله
يا زينه والله لي قالي: ابي هلاوه
زوغه :*
2 comments:
Awwww...so cute!
sallim Flamingoliya yaaalah :)
Post a Comment