Monday, October 11, 2010

Socially Inhibited

ما استعديت عدل والجهاز الى عادة ما ياخذ أقل من ساعة، خذا خمس دقايق اليوم
ما أبي أروح، مو مشتهية الروحه، بس غصبن على أروح، واجبات إجتماعية
ضيقة خلق، كنت مجابله الموبايل أغلب الوقت، واذا انتبهت حق عمري، خشيته بالجنطة وتلفت ومثلت وسويت نفسي مستانسه وعارفه بما يجري من حولي
العصير عوار قلب وشربته، صج عورني قلبي وبغيت كأس ثاني بس استحيت
الحلو ما كليته لأني كنت أنطر البوفيه، بس لما شفتهم طولوها خذيتلي قطعه اتسلى فيها
شربت الشاي، شربت القهوة العربية
تطمشت علي اللبس، الأحذية، الشعر المسشور والكشه، الناس يسولفون ويتعرفون على بعض وآنا في عالم ثاني
I am not interested
غصب أصير؟ وشلون أصير؟
مرة أشوف شي يذكري بشي ثاني وابتسم بيني وبين نفسي
ومرة أتذكر شي حزين وتدمع عيني، أخاف تسيح الماسكرا وأشوف مكان ثاني عشان أنسى
يسولفون وما أسمع
ويطول الإنتظار حتى يحين موعد العشاء
وآخذ ما لذ وطاب من (الزلاطة) والمقليات ولكني أصدم بأن الشكل أحلى بكثير من الطعم
فأبدأ بالتمثيل مرة أخرى وبأنني مستمتعة بالأكل
مليت
ملل غير طبيعي وكأن عقارب الساعة لا تتحرك
لا أريد عرسي بأن يكون كذلك
فتزاحمت في مخي وسائل التسلية الكثيرة كعرض فيلم سينمائي حتى لا يمل الجمهور
أمي، لنرجع الي المنزل، أريد أن انام، وراى دوام
لم تصدقني، فهي تعرفني جيدا، وهذا البوست هو الدليل
المفروض أنا الحين أكون في سابع نومه

Bon nuit






Loving you is HELL, missing you is HEAVEN
هذه أغنية عتيجة كنت وايد أحبها وصديقتي المقربة بذلك الوقت كانت تغنيها لي معكوسة


1 comment:

جنة الحواس said...

لول .. أحلى شي النهاية

:P

::

يا كره روحة العرس اذا صارت مجرد تأدية واجب .. أستعد له بساعتين أو أكثر و أقعد هناك ثلاث ساعات ..بس مجرد اثبات وجود

هذا نص يومي طار فقط لارضاء الغير

it sucks