Monday, September 18, 2006

Memoirs of a Single Girl (9)

مذكرات عانس

البحث عن أمريكي




خالتي: فلانه وفلانه وفلانه إلي ماخذين أمريكان رياييلهم يطلون بويوهم يتأكدون اذا حريمهم راضين عنهم، بس ينطرون رضاهم.

أنا : الله!!!!!!


*******************


أنا: انزين خالي، ييبلي امريكي من ربعك المسلمين

خالي: ما يبونج وأنت بوضعك هذا، يبون متحجبه حجاب عدل ودينه

أنا: إشفيني، ما فيني شيء!

خالي: عدلي حالك، لو أنتي عدله جان أنتي متزوجه من زمان

أنا: كا شوف فلانه وعلانه و و و و ... كلهم مو متزوجين! كل هذول مو عدلين؟

خالي: إي

أنا: ما تدري أن عدد الحريم أكثر من عدد الرياييل؟

ما تدري أن هالرياييل العزاب مو كلهم عدلين؟

ما تدري............ ما تدري.................. ما تدرييييييي..................... (إلى الأبد)




********************



أنا: ياحليل الأمريكان، خوش رياييل أحسن من الكويتيين، انا باخذ أمريكي

صديقي: لا يغرونك، عندهم نسب كبيره من الخيانه الزوجيه، إذا مو كلهم

أنا: وشدعوه الكويتيين ألحين كلش؟

وإن كان دين أو ملتزم، أطره بإطار الزواج وقال نزوه

بقى أحد ما أخذ على مرته؟

رفيجاتي ترملوا ورياييلهم أحياء وعلى ذمتهم

تشوف الحلوه والسنعه كبرت 10 سنين وهي توها بعز الشباب

والمشكله انها ابتلشت بكوكش عيال حادين من نصيب ثاني جود يسعدها

الدين أخذ متحرره وصك عليها البيت لين انفجرت وهدته

والمتحرر أخذ دينه، ياب منها العيال، وعلى آخرتها ركض وراء نزوته العابره أو رجع لحبه القديم

ألو؟ ألو؟

طوط طوط طووووط

لايكون عنده نزوه عابره بعد!



***********************


أنا: واي، أبيض، طويل، عضلات، عيون زرق،

صديقتي: ويع، باصج!

أنا: عيل ريلج الأجلح إلي ما خلا تنظيف بشره ما سواه على أمل إنه يبيض؟

ولا عضلاته الى أصغر من عضلاتي، نسيتي يوم شدخ فيج بالبركة عند بيت حماج؟

والا نسيتي هالبقعه الي جنها خريطة كندا الي بكوعج مالت شنو؟

نسيتي جواتي الكعب الي جسمتيهم يوم خذاج؟

والا دكتور نيل الي كنتي تموتين عليه بالمدرسة لين هج ورجع ديرته من كثر ما تحرشتي فيه؟

أذكرج بعد أذكرج؟

بس تعبت ما ني امذكرتج

باي




3 comments:

Delicately Realistic said...

Hahahahahahahahahahahahahahahahahahah

Ya 7ilwich o ya7ilo swalfich! :*

Spontaneousnessity said...

LOL etwanseeen!

Nescafé said...

شوقتينا لجديدج :>